Friedel en ander frappanthede

Na baie werk het die GNOME projek 'n splinternuwe weergawe vrygestel: GNOME 3! Die bietjie wat ek met GNOME shell gespeel het, het my heelwat beïndruk. Ek beveel aan dat elkeen dit ten minste op 'n stadium probeer vir 'n ruk.

Die vertalers moes baie hard werk vir hierdie weergawe. Tale wat niks gedoen het nie, sou omtrent 5% geval het in terme van volledigheid. Daar is dus baie werk gedoen in die tale waar die ondersteuning op soortgelyke vlakke is as tevore. Uit die Afrikaanse span, bedank ek almal wat gehelp het met die vertaalwerk: Hermien, Jan-Carel, Petrus, Coert (en Samuel wat my gereeld help met 'n professionele opinie).

Ons vier die vrystelling Saterdag met 'n partytjie in Pretoria.